Wi-Fi air bàtaichean-aiseig ro dheireadh na bliadhna

  • 8 Am Màrt 2013
MV Eilean Leòdhais
Bha an t-ath-chuinge gu bhith a' dùnadh aig 4:00f Dihaoine, ach dh'innis Cal Mac an co-dhùnadh ron a sin.

Gheibhear cothrom air eadar-lìon Wi-Fi air bàtaichean-aiseig Chal Mac a sheòlas eadar na h-Eileanan Siar agus Tìr Mòr ro dheireadh na bliadhna.

Thàinig an naidheachd agus Comhairle Òigridh Bharraigh air ath-chuinge a chur air dòigh air làrach-lìn Pàrlamaid na h-Alba, 's iad ag iarraidh cothrom fhaighinn air Wi-Fi air slighean-aiseig.

Chuir BP nan Eilean Siar, Aonghas Brianain MacNèill, agus Alasdair Allan BPA, fàilte air a' cho-dhùnadh.

Bha an t-ath-chuinge gus dùnadh aig 4:00f Dihaoine

Chuir Com-pàirteachas Dealbhachaidh Coimhearsnachd nan Eilean Siar an taic ris an iarrtas cuideachd.

Thuirt Cathraiche a' Chom-pàirteachais, Aonghas Caimbeul, gun robh e misneachail a bhith a' faicinn eileanach òga a' gabhail gnothach ris an t-siostam dheamocratach.