NHS ga chàineadh mu Ospadal Gheusto

Seann Ospadal Gheusto Dhiùlt NHS na Gàidhealtachd innse dè phrìs a fhuair iad airson an togalaich.

Tha càineadh ga dhèanamh air NHS na Gàidhealtachd airson togalach eachdraidheil san Eilean Sgitheanach a reic gun fios a chumail ri buidhinn san sgìre a bh' airson a ghlèidheadh airson maith na coimhearsnachd.

Tha Ruaraidh Hilleary, fear de shliochd an uachdarain, Coinneach MacLeòid, a stèidhich Ospadal Gheusto bho chionn còrr agus ceud bliadhna, a' cumail a-mach gun deach a reic airson prìs mòran na b' ìsle na bha an t-ùghdarras slàinte ag iarraidh air a shon sa chiad dol a-mach.

B' e uncail seanmhair Ruaraidh Hilleary a bh' ann an Coinneach MacLeòid.

Nuair a bhàsaich e ann an 1879 dh' fhàg e airgead son a' chiad ospadail san Eilean Sgitheanach.

Nuair a dhùin Ospadal Gheusto bho chionn seachd bliadhna thòisich iomairt airson a ghlèidheadh mar ghoireas choimhearsnachd.

Bha NHS na Gàidhealtachd a' sireadh £250,000 air a shon - prìs ro àrd dhan bhuidhinn, a rèir Ruaraidh Hilleary.

Tha esan a' cumail a-mach gun deach an t-seann ospadal, taigh a tha na chois agus coille a reic toiseach na bliadhna airson £105,000 - naidheachd a tha a' cur feirg air.

Tha e ag ràdh, nan robh fios aca gun gabhadh bòrd na slàinte ri prìs cho ìosal dh'fhaodadh an goireas an-diugh a bhith leis a' choimhearsnachd.

Chan innseadh an t-ùghdarras slàinte dè a' phrìs a fhuair iad, agus thuirt iad gun do lean iad na riaghailtean mar a bu chòir.

Tuilleadh mun sgeulachd seo

Chan eil uallach air a' BhBC airson na tha air làraich-lìn eile.

Sgeulachdan aithriseach

  • FlòdaigearraidhÀrainneachd agus Cànan

    Cùrsa anns an Eilean Sgitheanach as t-samhradh far am faighear briathrachas na Gàidhlig airson leithid lusan agus ainmhidhean.


  • Miss PiggyClò Mòr air a' Bhan-Mhuic

    Chunnacas Miss Piggy ann an deise den Chlò Mhòr a rinneadh le Vivienne Westwood.


What is VOCAB? Deth'ann a VOCAB?

BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.