Chan fhaighnichear ceist na neo-eisimeileachd sa Ghàidhlig

Dhearbh Leas-Phrìomh Mhinistear na h-Alba, Nicola Sturgeon, nach tèid a' cheist ann an referendum air neo-eisimeileachd na h-Alba a chur sa Ghàidhlig.

Dh'fhaighnich BPA Nàiseantach na h-Eaglaise Brice an Ear, Aonghas Dòmhnallach, an deadh am pàipear bhòtaidh fhoillseachadh sa Ghàidhlig.

Thuirt Nicola Sturgeon nach robh adhbhar ann sin a dhèanamh seach gun tuigeadh luchd-bruidhinn na Gàidhlig a' Bheurla math gu leòr.

Tha seo na bhriseadh dùil do dh'fheadhainn a tha ag iarraidh gun cuirear ceist na neo-eisimeileachd sa Ghàidhlig.

"Tha gu leòr a thuigeas a' Ghàidhlig cuideachd, agus chan eil iad a' faighinn an còirichean ann an iomadh raon," thuirt am bàrd Aonghas Dubh MacNeacaill.

"'S e rud caran brònach a bhiodh ann mur a faigheadh iad an còirichean, gu h-àraid ann am bliadhna far am bi iad a' cuimhneachadh air a' Chogadh Mhòr.

"'S dòcha gu bheil e caran annasach gun smaoinich daoine air ais, na chaidh a chall de Ghàidheil anns an àm a bha sin.

"Tha sin air barrachd milleadh a dhèanamh air àireamhan nan Gàidheal san là a th' againn an-diugh, na 's dòcha gnìomh sam bith eile.

"Ach bu chòir a' cheart uidhir de chliù a bhith aig a' Ghàidhlig 's a th' aig a' Bheurla, ma tha iad gu bhith onorach dhuinn," thuirt e.

Tuilleadh mun sgeulachd seo

Chan eil uallach air a' BhBC airson na tha air làraich-lìn eile.

Sgeulachdan aithriseach

  • CofaidhCofaidh is Craic an Glaschu

    Fosglaidh cafaidh ùr ann an Glaschu an ath-mhìos do choimhearsnachd Gàidhlig a' bhaile.


  • DìleasRobo Chù Listen

    Luchd-saidheans ag ràdh gun gabhadh ròbotan a chleachdadh an àite chon-chaorach airson caoraich a bhuachailleachd.


BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.