Stiùiriche ùr aig Clò Mòr Innse Gall

Clò Mòr Tha a' Bh.Ph. NicLeòid cuideachd na ceannard air leasachadh roinneil aig HIE.

Tha a' chompanaidh Clò Mòr Innse Gall air stiùiriche ùr fhastadh airson neartachadh a dhèanamh air ìomhaigh a' chlò agus na marcaidean anns a bheileas ga reic a leudachadh.

Tha eòlas aig Màiread NicLeòid mar an tè a thoisich an roinn-dachaigh dhan chompanaidh Johnston's of Elgin, agus tha i cuideachd na ceannard air leasachadh roinneil do dh'Iomart na Gàidhealtachd 's nan Eilean.

Tha i a-nise an dòchas margaid a' Chlò Mhòir a dhèanamh nas motha agus nas làidire.

"Tha mi ag obair còmhla ris na daoine anns a' mhuilinn 's tha sinn a' coimhead airson mhargaidean ùra," thuirt i.

"Tha sinn ag obair còmhla ri daoine a tha a' dèanamh bhrògan 's a' dèanamh accessories mar bhagaichean-làimhe 's criosan agus a h-uile seòrsa rud leis a' chlò.

"'S tha sinn ag iarraidh coimhead feuch dè eile a dh'fhaodas sinn a dhèanamh sna margaidean a tha sin," thuirt i.

Tuilleadh mun sgeulachd seo

Chan eil uallach air a' BhBC airson na tha air làraich-lìn eile.

Sgeulachdan aithriseach

BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.