Memorandum Oighreachd a' Chrùin ga dhiùltadh

Cumhachd nan tonn Tha a' Chomhairle an dòchas gum faigh coimhearsnachdan ionadail air buannachd shusbainnteach fhaighinn bho chumhachd na mara.

Dhiùlt Comhairle nan Eilean Siar gabhail ri memorandum a chaidh ullachadh le Oighreachad a' Chrùin, a tha a' moladh cothrom a thoirt do choimhearsnachdan barrachd buannachd fhaighinn bho grunnd na mara.

Tha a' Chomhairle ag ràdh nach eil e a' dol fada gu leòr agus gum feum cruth atharrachadh a thoirt air mar a tha Oighreachd a' Chrùin ag obair.

A rèir Fhir-ghairm na Comhairle, Tormod Dòmhnallach, tha a' Chomhairle den bheachd gun tig an t-atharrachadh a tha sin.

"Tha sinne a' smaoineachadh gun tig atharrachadh san dòigh anns a bheil Oighreachd a' Chrùin ag obair - tha iad air atharrachadh mar-thà," thuirt e.

"Air sgàth 's gu bheil sinn a-nis gam faicinn a' bruidhinn ri coimhearsnachdan agus a' toirt bhuannachdan a-steach do na sgìrean far a bheil iad a' faighinn teachd-a-steach gu math mòr, nar beachd-ne.

"Agus tha iad air a bhith a' dèanamh sin tro thuathanasan èisg, agus a bhith ag àrach mhaorach thairis air na bliadhnaichean a chaidh seachad.

"Ach tha sinne a' faicinn gu bheil a' bhuannachd as motha a' dol a thighinn bho chumhachd ath-nuadhachail anns an fhairge, agus tha sinn airson 's gum bi smachd aig ùghdarrasan ionadail air na tha a' dol a thachairt mu thimcheall nan eileanan againn, agus gu bheil a' bhuannachd a' tighinn dìreach a-steach chun nan eileanan," thuirt e.

Tuilleadh mun sgeulachd seo

Chan eil uallach air a' BhBC airson na tha air làraich-lìn eile.

Sgeulachdan aithriseach

BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.