Cead ga dhiùltadh do thuathan-gaoithe an Cataibh

  • 12 An Gearran 2013

Tha Comhairle na Gàidhealtachd air cur an aghaidh plana airson tuath-gaoithe ann an Cille Mhuire faisg air Àird Ghaoithe, agus fear eile ann an Dal an Easaidh faisg air an Luirg ann an Cataibh.

Chuir iad an aghaidh nan oifigearan dealbhachaidh aca fhèin, a bha ag iarraidh an dà thuath-gaoithe a leigeil air adhart.

Bhiodh 34 crann ann an tuath-gaoithe Cille Mhuire, agus 27 ann am fear Dhal an Easaidh.

Chuir comhairlichean gu h-aona-ghuthach an aghaidh tuath-gaoithe Chille Mhuire, ach bha iad air an sgaradh a thaobh Dal an Easaidh, le cathraiche na comataidh a' cleachdadh bhòta dheireannaich airson cur na aghaidh.

Thèid a-nis rannsachadh poblach ionadail a chumail, 's bidh an co-dhùnadh mu dheireadh aig Riaghaltas na h-Alba.

Duilleagan Eadar-lìn co-cheangailte

Chan eil uallach air a' BhBC son na tha air làraichean-lìn eile