Bàs san Apainn

  • 29 Am Faoilleach 2013
Dr Tim Boyd Image copyright Sams
Image caption Bha an Dr Boyd ag obair aig Ionad Saidheans na Mara faisg air an Òban.

Tha luaidh ga dhèanamh air fear-saidheans à Port na h-Apann an Earra-Ghàidheal a bhàsaich às dèidh dha a bhith air a ghlacadh ann an stoirm dealanaich.

Bha Timothy Boyd, 54, a bha pòsta le dithis chloinne, a-muigh a' coiseachd san Apainn faisg air Caisteal an Stalcaire Didòmhnaich nuair a chaidh a mharbhadh.

Chaidh a lorg air an talamh às dèidh do stoirm a bhith ann agus tha na poilis den bheachd gur e dealanaich a mharbh e.

Bha Mgr Boyd na fhear-saidheans aig Comann Saidheans-mara na h-Alba faisg air an Òban. Roimhe sin, bha e ag obair aig Oilthigh Oregon.

Thuirt an Comann gun robh iad a' caoidh Mhgr Boyd agus gu bheil iad a' cuimhneachadh air a mhaoi agus a dhithis nighean.

Tha Comhairle Coimhearsnachd na Apann an dèidh bhith a' dèanamh luaidh air cuideachd.

Bha droch naidheachd eile aig an ionad mhara air a' mhìos seo - bha Crìsdean Bell, 24, a chaidh a chall sa mhaoim-sneachda a mharbh ceathrar an Gleann Comhann na oileanach ann.

Bidh aithisg mu bhàs Mhgr Boyd a' dol gu Neach-casaid a' Chrùin.