Leasachadh san amharc an Horgabost

  • 25 Am Faoilleach 2013
Rubha Romagaidh
Seo an leasachadh a th' anns an amharc faisg air Horgabost. Dealbh bho Urras Taobh Siar na Hearadh.

Dh'fhoillsichear planaichean mionaideach airson leasachadh ùr aig Rubha Ròmagaidh faisg air Horgabost anns na Hearadh.

Tha Urras Taobh Siar na Hearadh am beachd ionad coimhearsnachd, ionadan gnìomhachais, goireasan son luchd-turais agus taighean a bhios rim faighinn air prìsean cothromach a thogail anns an sgìre.

Thathas an dòchas gum faigheadh iad dealan à crann gaoithe 50kw.

Aig bùth-obrach oidhche Dhiardaoin bha cothrom ann sùil a thoirt air dè dìreach a tha fainear dhaibh.

'S e an ath-cheum a-niste cead-dealbhachaidh fhaighinn gus na planaichean a ghluasad air adhart.