Ceathrar marbh às dèidh maoime-sneachda an Gleann Comhann

Rachel Majumdar, Christopher Bell, Una Finnegan agus Tom Chesters Rachel Majumdar, Christopher Bell, Una Finnegan agus Tom Chesters

Tha sreapadair, 24 bliadhna de dh'aois fhathast ìosal anns an ospadal ann an Glaschu an dèidh dhi a bhith air a goirteachadh gu dona mun cheann ann am maoim-sneachda ann an Gleann Comhann Disathairne anns an do chaochaill ceathrar den bhuidhinn san robh i.

Bha a' bhuidheann de shianar a' sreap air Bidean nam Bian, nuair a chaidh an glacadh sa mhaoim mu 2:00f.

Thathas den bheachd gun deach còignear den bhuidhinn leis a' bheinn nuair a bhris an t-earrann sneachda air an robh iad nan seasamh air falbh.

Fhuair an siathamh neach air iad fhèin a shàbhaladh le bhith a' leum bhon mhaoim agus a' stobadh làmhag-deighe an sàs.

Tha na poilis air an ceathrar sreapadairean a bhàsaich ainmeachadh.

B' iad Christopher Bell à Blackburn a bha 24, Tom Chesters, a bha 28, à Leeds agus Una Finnegan a bha 25 's a bhuinneadh do Chúil Rathain ann an Èirinn a Tuath, agus an Dr Rachel Majumdar, 29, à Leeds.

Sgeulachdan aithriseach

What is VOCAB? Deth'ann a VOCAB?

BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.