18 Am Faoilleach 2013 Air ùrachadh aig 09:22

Casg-astair ùr air Drochaid Cheasaig

Drochaid Cheasaig Bidh casg-astair de 30msu an sàs air an drochaid fhad 's a leanas an obair-càraidh.

Chaidh rabhadh a thoirt do dhràibhearan a bhios a' cleachdadh Drochaid Cheasaig tarsainn Chaolas Inbhir Nis, nach urrainn dhaibh a bhith a dol cho luath bho seo a-mach.

Thuirt Còmhdhail Alba gun tèid an casg-astair a ìsleachadh bho 70msu gu 50msu.

Bidh an casg-astair sin an sàs aon uair 's gum bi obair-càraidh air an drochaid, a thòisicheas air 11mh an Gearran, deiseil.

Thèid feansaichean ùra a thogail air an drochaid mar phàirt den obair-càraidh, agus thuirt Còmhdhail Alba gum feumar casg-astair nas ìsle ri linn sin.

Bidh an casg 50msu a' leantainn gus an ruigear cearcall-rathaid an Longman, far am bi seach-lèana ùr agus solais-thrafaig an sàs.

Fhad 's a tha an obair-càraidh a' dol air adhart, bidh casg-astair rè ùine de 30msu an sàs air an drochaid fhèin.

Tuilleadh mun sgeulachd seo

Ceangaileachan eadar-lìn

Chan eil uallach air a' BhBC airson na tha air làraich-lìn eile.

Sgeulachdan aithriseach

What is VOCAB? Deth'ann a VOCAB?

BBC © 2013 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.