Iomairt airson Chaisteil Chinn an Locha

Caisteal Chinn an Locha Chosg an caisteal £15m a thogail ann an airgead an là an-diugh.

Tha iomairt ga cur air dòigh feuch Caisteal Chinn an Locha air Eilean Rùim a chumail aig ìre.

Thuirt Dualchas Nàdair na h-Alba gu bheil an aimsir air buaidh a thoirt air an togallach, 's gu bheil e feumach air an tuilleadh obair-càraidh, a dh' aindeoin gun deach còrr is £1m a chosg air màr thà.

Tha SNH airson eòlaichean agus daoine aig a bheil ùidh anns an togallach a thoirt còmhla gus bruidhinn air mar is fhèarr a ghabhas an caisteal a chumail ann an staid a fhreagras air luchd-turais is eile.

Chaidh an caisteal a thogail le fear a bha uair na uachdaran air an eilean, George Bullough, a bhuinneadh do Lancashire ann an Sasainn.

Thug e trì bliadhna a thogail, 's an obair air tòiseachadh ann an 1897, a' toirt cosnaidh do 300 luchd-ciùird.

B'e a' chiad dachaigh phrìobhaideach an Alba anns an robh dealan, agus sgeama hydro beag air a chur an sàs air Allt a' Choire Dhuibh, faisg air làimh.

Ann an airgead an là an-diugh, chosg an caisteal timcheall air £15m a thogail.

Cha b' ann airson fuireach ann a bha e ge-tà, ach na loidse-seilge, a' gabhail àite loidse nas bige a bh' ann roimhe.

Cha robh e ann an cleachdadh mar a bu mhiann leis an fhear a thog e ach suas gu toiseach a' Chiad Chogaidh Mhòir ann an 1914.

Tuilleadh mun sgeulachd seo

Chan eil uallach air a' BhBC airson na tha air làraich-lìn eile.

Sgeulachdan aithriseach

What is VOCAB? Deth'ann a VOCAB?

BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.