Tubaist-rathaid air an A9

Thug trì charbadan-eiridinn còignear dhan ospadal oidhche na Sàbaid an dèidh tubaist le trì càraichean air an A9 faisg air an Aghaidh Mhòir.

Thachair an tubaist aig ceann-rathaid Ghrèanais, far a bheil an A95 a' coinneachadh an A9, goirid ro 5:00f.

Thàinig air luchd-smàlaidh uidheamachd ghearraidh a chleachdadh son dithis fhaighinn a-mach à aon de na carbadan.

Thugar iad gu Ospadal an Ràthaig Mhòir ann an Inbhir Nis ann an dà charbad-eiridinn.

Chaidh an triùir eile a thoirt dhan ospadal còmhla sa charbad-eiridinn eile.

Cha robh iad sin air an goirteachadh cho dona.

Dh'fhosgail na poilis an rathad an dèidh dà uair de thìde.

Sgeulachdan aithriseach

  • CofaidhCofaidh is Craic an Glaschu

    Fosglaidh cafaidh ùr ann an Glaschu an ath-mhìos do choimhearsnachd Gàidhlig a' bhaile.


  • DìleasRobo Chù Listen

    Luchd-saidheans ag ràdh gun gabhadh ròbotan a chleachdadh an àite chon-chaorach airson caoraich a bhuachailleachd.


BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.