Moladh ùr mun chonnadh

Connadh Tha Aonghas Brianan MacNìll ag ràdh gu bheil cothrom ann farpais a bharrachd a dhèanamh ann an gnìomhachas a' chonnaidh anns na h-Eileanan an Iar.

Sgeulachdan co-cheangailte

Tha e air tighinn am follais gum faodadh duine neo companaidh sam bith connadh a cheannach bho ionadan stòraidh ann an Steòrnabhagh agus Loch a' Chàrnain, agus a lìbhrigeadh do ghnothachasan air feadh nan Eilean Siar.

A rèir BhP na sgìre, Aonghas Brìanan MacNìll, tha fiosrachadh a fhuair e bho Oifis na Malairt Cothromaiche (OFT) a' sealltainn gum faodadh barrachd farpais a bhith san sgìre a thaobh a' chonnaidh agus prìsean nas ìsle an cois sin.

Tha mòran ghearainean air a bhith ann mu phrìsean anns h-Eileanan an Iar, agus mu mar a tha làmh an uachdar aig GB Oils.

Thàinig am fiosrachadh ann am freagairt litreach a fhuair Mgr MacNìll bhon OFT.

"Tha an OFT ag ràdh rium gum faodadh duine sam bith a dhol gu GB Oils agus Phillips 66 Connico agus iarraidh orra connadh a cheananch bho na tancaichean ann an Steòrnabhagh no Loch a' Chàrnain," thuirt e.

"Tha e fosgailte do dhuine sam bith a dhol agus a h-uile cead sàbhailte fhaighinn agus a dhol a thòiseachadh air an obair a tha seo.

"Bhiodh iad an uair sin fosgailte ri farpais anns a' mhargaidh fhèin agus bhithinn an dòchas nam biodh sin a' tachairt, gum biodh na prìsean a' tuiteam aig na pumpaichean," thuirt e.

Tuilleadh mun sgeulachd seo

Sgeulachdan co-cheangailte

Sgeulachdan aithriseach

  • CofaidhCofaidh is Craic an Glaschu

    Fosglaidh cafaidh ùr ann an Glaschu an ath-mhìos do choimhearsnachd Gàidhlig a' bhaile.


  • DìleasRobo Chù Listen

    Luchd-saidheans ag ràdh gun gabhadh ròbotan a chleachdadh an àite chon-chaorach airson caoraich a bhuachailleachd.


BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.