£1m gus milleadh stoirme air Ghàidhealtachd a chàradh

Goillspidh Rinn an stoirm milleadh ann am bailtean air costa an ear na Gàidhealtachd 's mu Linne Mhoireibh.

Tha dùil gun cosg e còrr is £1m do Chomhairle na Gàidhealtachd am milleadh a rinn stoirm deireadh na seachdain a chur ceart.

Tha dùil gum feum an ùghdarras ionadail taic-airgid iarraidh bho Riaghaltas na h-Alba airson rudan mar bhallachan-mara agus cidheannan a' chàradh.

Tha luchd-obrach Comhairle na Gàidhealtachd air a bhith a' glanadh grunn làraichean anns an sgìre às dèidh na stoirme.

Bha dùil ris an stoirm, ach cha robh dùil ri suailichean cho mòr.

Le sin chaidh milleadh a dhèanamh air cuid de bhallachan-mara agus calaidhean air costa an ear na Gàidhealtachd.

Thuirt Cathraiche Comataidh na Còmhdhail, na h-Àrainneachd agus nan Seirbheisean Coimhearsnachd aig a' Chomhairle, Graham Philips, gun tèid coimhead air a h-uile balla a tha a' dìon bhailtean bho thuiltean anns an sgìre, gus dèanamh cinnteach gu bheil iad làidir gu leòr airson seasamh ri fìor dhroch aimsir aig àm sam bith.

Sgeulachdan aithriseach

  • DìleasRobo Chù Listen

    Luchd-saidheans ag ràdh gun gabhadh ròbotan a chleachdadh an àite chon-chaorach airson caoraich a bhuachailleachd.


  • Am prìomh thogalachCampas ùr Inbhir Nis

    Tha obair a' leantainn aig làrach ùr Colaiste Inbhir Nis, le leasachaidhean eile na broinn.


What is VOCAB? Deth'ann a VOCAB?

BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.