Co-dhùnadh air fàire mu sgeama cumhachd

Cladach Bu chòir gun tig co-dhùnadh air cead-dealbhachaidh 'son na pròiseict far chosta siar Leòdhais an ceartuair.

Tha dùil gun tig co-dhùnadh air sgeama cumhachd mara ann an Leòdhas an ceann beagan sheachdainean, is a' chompanaidh a th' air a chùl ag ràdh gun d'fhuair iad seachad air na cnapan-starra a bha mun coinneimh.

Chuir Aquamarine Power planaichean air adhart son innealan a chur air grunnd na mara far chosta siar Leòdhais.

Tha iad ag ràdh gum bi e comasach dhaibh 40MW de dhealan a thoirt à cumhachd nan tonn san leasachadh far chladach Bhuirgh.

Cha robh Dualchas Nàdair na h-Alba (SNH) an toiseach airson taic a chur ris a' phròiseict, 's iad a' faireachdainn nach robh fiosrachadh gu leòr ann airson tomhas ceart a dhèanamh air a' ghnothach.

Bha ceist air a' bhuidhinn gu sònraichte mun bhuaidh air beathaichean mara.

Farsaing

Tha Aquamarine Power a-nise air fiosrachadh nas fharsaing a thoirt dhan bhuidhinn ghlèidhteachais ge-tà, is thuirt SNH gu bheil iad riaraichte nach toir an sgeama droch bhuaidh air an àrainneachd.

Thàinig Aquamarine gu aonta cuideachd a dh'fhàgas gum bi e fhathast comasach do dh'iasgairean giomaich a ghlacadh san sgìre.

Dh'innis Comhairle nan Eilean Siar gu bheil iadsan a-nise deònach an làn-thaic a chur ris a' phròiseict.

Thuirt Aquamarine gu bheil iad air na duilgheadasan air fad a bh' aca a rèiteach is gu bheil iad a' feitheamh air co-dhùnadh deireannach bho Riaghaltas na h-Alba.

Bidh a' phròiseact ge-tà, an urra ri càbal a' Chuain Sgìth is ceistean gu leòr ann fhathast a thaobh na chosgas an càbal is cuin a bhios e ann.

Tuilleadh mun sgeulachd seo

Chan eil uallach air a' BhBC airson na tha air làraich-lìn eile.

Sgeulachdan aithriseach

  • Gleann DailBàird Ghleann Dail

    Leabhar ùr ga fhoillseachadh a tha a' toirt ri chèile bàrdachd Dhòmhnall nan Òran agus bàrdachd a mhac, Niall 's Iain Dubh.


  • Caisteal Inbhir NisIonad-turasachd ùr san amharc?

    Buidheann-obrach ùr ga stèidheachadh gus beachdachadh air Caisteal Inbhir Nis.


What is VOCAB? Deth'ann a VOCAB?

BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.