Rabhadh mu reothadh mòr

  • 10 An Dùbhlachd 2012
Mosgo
Bheir adhar reothta às an Ruis sneachda mòr leatha an t-seachdain seo.

Tha dùil ri seachdain gu math fuar ann am mòran sgìrean, gu h-àraid air a' Ghàidhealtachd.

Dh'fhaodadh i a bhith cho fuar ri -15C, agus adhar fuar à Siberia a' tighinn thugainn.

Tha dùil gun tig sneachda mòr bho mheadhan na seachdain seo.

Air an t-seachdain seo chaidh, chaidh an t-sìde a b' fhuaire am Breatainn a' chlàradh ann am Bràigh Mhàrr, ann an Siorrachd Obar Dheathain, 's i aig -12.9C.

Chaidh -10.7C cuideachd a' chlaradh ann an Ceann a' Bhràiste ann an Cataibh.

Cha bhi an t-sìde cho dona 's a bha i ann an 2010 ge-tà, nuair a thuit i gu -20C ann am mòran sgìrean den dùthaich.