Iarrtas connaidh bho MhacNèill

Prìs a' chonnaidh sna h-Eileanan Siar Tha dragh ann nach eil farpais gu leòr am measg chompanaidhean connaidh sna h-Eileanan Siar.

Tha Ball-Pàrlamaid nan Eilean Siar, Aonghas Brianan MacNèill, ag iarraidh air Oifis na Malairt Cothromaiche a dhol an sàs ann an còmhraidhean mu cò na companaidhean is urrainn connadh a thoirt às na tancaichean stòraidh ann an Steòrnabhagh ann an Leòdhas agus Loch a' Chàrnain ann an Uibhist a Deas.

An-dràsta, a rèir Mhgr MhicNèill, chan eil e soilleir an urrainn do chompanaidh ach Scottish Fuels agus Highland Fuels connadh fhaighinn às na tancaichean.

Tha Mgr MacNèill ag iarraidh gum biodh cothrom ann do chompanaidh sam bith eile a dh'iarradh tighinn a-steach dhan mhargaidh anns na h-Eileanan Siar.

Agus tha Mgr MacNeill ag ràdh gun dèan e strì an aghaidh àrdachaidh sam bith air faraidhean-aiseig dha làraidhean, ri linn RET a bhith ga thoirt air falbh bho chompanaidhean-bathair.

Tha Riaghaltas na h-Alba an-dràsta a' moladh gun tèid a' phrìs an-àirde a-rithist as t-Earrach, ach tha Mgr MacNèill airson 's nach tachair sin idir.

"B'fheàrr leamsa nach tig àrdachadh idir," thuirt e.

"Bha mi a' sabaid an aghaidh an àrdachaidh a bh' ann, bha mi sa phrìomh iomairt airson RET a thoirt a-steach.

"Tha sinn a' cumail RET, feumaidh daoine cuimhneachadh gu bheil sinn ann airson chàraichean agus do luchd-siubhail air fad.

"Tha atharrachadh a' tighinn air bathair. B'fheàrr leam nach tigeadh sin.

"Feumaidh sinn a bhith mothachail dhan t-saoghal a th' againn, ach bidh sinn a' strì na aghaidh air a shon sin," thuirt e.

Sgeulachdan aithriseach

What is VOCAB? Deth'ann a VOCAB?

BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.