Deuchainnean cumhachd ann an Ciseòrn

Gàradh Chiseòirn Tha an uisge a tha ri taobh a' chidhe aig a' ghàradh gu math domhainn.

Thèid pàirt de seann ghàradh ola Chiseòirn, air taobh siar Rois, a chleachdadh airson deuchainnean air inneal ùr cumhachd nan tonn.

Thèid pìos den làraich a thoirt air màl fad bliadhna do chompanaidh chumhachd Trident.

Thuirt a' chompanaidh gun robh cidhe susbainteach ann an uisge domhainn a bhiodh math airson na deuchainean a dhèanamh.

'S ann air an inneal Powerepod a thèid na deuchainnean a dhèanamh, 's e ga cheangal ri taobh a' chidhe.

Tha an làrach fosgailte gu tuinn mheadhanach nach eil cho buileach fiadhaich ris na tuinn anns a' Chuan Shiar.

Ach tha iad làidir gu leòr airson deuchainnean a dhèanamh às aonais nan cosgaisean an lùib leasachaidhean pìos far a' chosta.

Tha dùil gun tòisich an gabhaltas air an làraich as t-Earrach an ath bhliadhna, 's e a' maireachdainn aon bhliadhna.

Tha sin a' crochadh air cead mara sònraichte.

Chuir ard oifigear Iomairt na Gàidhealtachd 's nan Eilean (HIE), Ailig MacPhàdraig, fàilte air an naidheachd, 's e ag ràdh gu bheil i na deagh chomharra air na ghabhadh dèanamh aig a' phort.

Tuilleadh mun sgeulachd seo

Chan eil uallach air a' BhBC airson na tha air làraich-lìn eile.

Sgeulachdan aithriseach

  • CofaidhCofaidh is Craic an Glaschu

    Fosglaidh cafaidh ùr ann an Glaschu an ath-mhìos do choimhearsnachd Gàidhlig a' bhaile.


  • DìleasRobo Chù Listen

    Luchd-saidheans ag ràdh gun gabhadh ròbotan a chleachdadh an àite chon-chaorach airson caoraich a bhuachailleachd.


BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.