5 An Dùbhlachd 2012 Air ùrachadh aig 10:50

Dragh mu shailleadh ann an Uibhist

Tha ceist mu choinneamh mar a tha a' Chomhairle a' comharrachadh rathaidean airson saillidh.

Tha dragh ann an Uibhist mu phoileasaidh Comhairle nan Eilean Siar diofar ìrean de phrìomhachais a bhith aca a thaobh rathaidean a shailleadh.

Chaidh càraichean far an rathaid ann an cuid de sgìrean ann an Uibhist Diluain, leis nach ann fon chiad ìre phrìomhachais a tha na rathaidean sin, agus gun robh iad sleamhainn.

Chaidh aontachadh an-uiridh gum biodh cuid de rathaidean a' faighinn prìomhachais nuair a bhios sneachda agus reothadh ann, ach tha cuid a' ceasnachadh am bu chòir sùil eile thoirt air a sin.

Nochd dragh air an t-seachdain seo chaidh nach eil a' chiad ìre de phrìomhachas ga toirt don phrìomh rathad air taobh siar Leòdhais gu lèir nas motha, eadar Calanais agus Nis.