Urras Ghleann Dail gun stiùirichean

  • 22 An t-Samhain 2012
Cidhe Mhèanais
Image caption Chuir Urras Ghleann Dail air adhart grunn phròiseactan san sgìre.

Chaidh Urras Ghleann Dail fhàgail gun stiùir is na buill air fad air fàgail.

Dh'fhalbh an ceathrar stiùirichean mu dheireadh an t-seachdain seo chaidh.

Tha seo as dèidh do thriùir eile fàgail - nam measg an cathraiche, Iain Blackford.

Ann an litir air làrach-lìn an urrais, thug e iomradh air rudan dùbhlannach a thachair.

Thathar dhen bheachd gur ann an co-cheangal ri mar a chaidh grafitti mu dhèidhinn a pheantadh air an Eaglais Shaoir às dèidh mar a dhiùlt an t-urras an taic a chur ri sgeama bhuill-choise air an t-Sàbaid.

Staing

Thuirt duine a bha na stiùriche gur e a bu choireach airson na staing nach robh cuid a' tighinn a rèir a chèile.

Ge b' e dè an t-adhbhar, tha e a' fàgail an urrais gun cheannas.

Fhuair a' bhuidheann airgead poblach airson grunn phròiseactan - leasachadh chidhe Mhèanais nam measg - agus airson ofigear leasachaidh fhastadh.

Thathar a' tuigsinn gum bi coinneamh shònraichte a-nis san sgìre airson feuchainn ri bòrd ùr a stèidheachadh agus airson obair an urrais a leantainn.

Duilleagan Eadar-lìn co-cheangailte

Chan eil uallach air a' BhBC son na tha air làraichean-lìn eile