Mèirle an Loch Abar ga rannsachadh

  • 16 An t-Samhain 2012
Seacaid phoilis
Image caption Chunnacas am fear mu dheireadh air Sràid Ghlinn Laoigh.

Tha Poilis a' Chinn a Tuath a' rannsachadh mèirle le sgithinn a chaidh a dhèanamh aig bùth ann an sgìre Chaol a' Ghearasdain.

Bha boireannach a bha ag obair ann feumach air cobhair ospadail, ged nach robh i air a droch leòn sa chùis aig bùth Togs oidhche Ardaoin.

Thuirt na poilis gu bheil an duine a tha fo amharas geal, mu shia troighean de dh'àirde agus tapaidh.

Bha fleece gorm air, a' còmhdach a smiogaid, a bheòil 's a shròine, le ad dorcha a dh'fhàg nach robh a shùilean rim faicinn.

Às dèidh làimhe chaidh fhaicinn a' ruith no a' coiseachd gu luath taobh Sràid Ghlinn Laoigh.

Duilleagan Eadar-lìn co-cheangailte

Chan eil uallach air a' BhBC son na tha air làraichean-lìn eile