Cus gaoithe na dhragh dhan chomhairle

Crann-gaoithe Bha cuid de phàrantan air ceistean a thogail mu cho sàbhailte 's a bha na crainn a tha stèidhichte aig cuid de sgoiltean na Gàidhealtachd.

Dh'innis Comhairle na Gàidhealtachd gun tèid na crainn-ghaoithe a tha stèidhichte aig cuid de sgoiltean san sgìre a chur dheth nuair a ruigeas a' ghaoth 100 mìle san uair.

Thòisich sgrùdadh air na crainn sa Chèitean is cuid de phàrantan air draghan a thogail mu shàbhailteachd.

Chaidh 17 crainn a chur dheth fhad 's a bha an sgrùdadh sin a' dol air adhart.

A-nise tha a' Chomhairle air co-dhùnadh ceithir de na crainn a thoirt a-mach à seirbheis.

Èifeachdach

Fhuair iad nach robh na crainn aig an Tolm ann an Inbhir Nis, Innis nan Lìon ann an Cataibh agus ann an Eige èifeachdach, is gun robh am fear aig Cnoc na Creige ann am Baile Dhùbhthaich suidhichite ann an àite nach robh freagarrach.

Thèid na crainn eile a chur air a-rithist ach bho seo a-mach thèid an cur dheth nuair a ruigeas a' ghaoth 100 mìle san uair.

Thuirt Leas-Àrd-Stiùiriche na Comhairle, Steve Barron, gu bheil iad cuideachd am beachd crainn a bharrachd a stèidheachadh.

Thuirt Mgr Barron gu bheil na crainn math dhan àrainneachd agus gu bheil iad a' togail airgid dhan Chomhairle.

More on This Story

The BBC is not responsible for the content of external Internet sites

Sgeulachdan aithriseach

What is VOCAB? Deth'ann a VOCAB?

BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.