Bann-leathann an t-Sabhail Mhòir

Càbalan eadar-lìn Tha an lìonra a' tighinn còmhla aig Sabhal Mòr Ostaig.

Bheir sgeama coimhearsnachd ùr bann-leathann gu math nas fheàrr do dhachannan agus do ghnothachasan ann an sgìrean iomallach den Ghàidhealtachd agus anns na h-Eileanan.

Tha eòlaichean air a bhith ag obair còmhla ri buidhnean ionadail, gus lìonra eadar-lìn fìor luath a chruthachadh, a tha a' ceangail nan Eileanan Beaga, agus sgìrean iomallach de Thìr Mòr na Gàidhealtachd ri chèile.

Tha an siostam ga chomharrachadh aig co-labhairt a thathas a' cumail aig Sabhal Mòr Ostaig Dihaoine.

Tha an teicneòlas a' cleachdadh lìonra de cheanglaichean, air chosgais bhig, a thig còmhla aig Sabhal Mòr Ostaig san Eilean Sgitheanach airson ceangal fhaighinn ris an eadar-lìon.

Tha luchd-rannsachaidh an dòchas gur e freagairt a th' anns an t-siostam seo do thrioblaidean eadar-lìon ann an sgìrean iomallach.

Tha eòlaichean aig Oilthigh na Gàidhealtachd 's nan Eilean air a bhith ag obair ann an co-bhanntachd le Oilthigh Dhùn Èideann airson a thoirt gu buil.

Thòisich an t-seirbheis ann am Bàideannach an t-seachdain seo chàidh, 's tha am bann-leathann an sin a-nis 16 uidhir nas fheàrr na bha.

Tuilleadh mun sgeulachd seo

Chan eil uallach air a' BhBC airson na tha air làraich-lìn eile.

Sgeulachdan aithriseach

What is VOCAB? Deth'ann a VOCAB?

BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.