Fearg mu bhàt-aiseig Ìle

MV Finlaggan Chaidh an soitheach ùr a chur air an t-slighe o chionn bliadhna.

Tha fearg air mòran ann an Ìle agus Caledonian Mac a' Bhriuthainn ag ràdh gun toir iad am bàt-aiseig, Finlaggan, air falbh bhon t-slighe tron Gheamhradh.

Cuiridh iad soitheach eile na h-àite.

Tha dragh ann gun toir seo droch bhuaidh air gnìomhachas uisge-bheatha an eilein.

"Chuala sin gu bheil CalMac ag iarraidh am Finlaggan a bhith far na slighe gu Ìle airson còig mìosan anns a' Gheamhradh seo tighinn," thuirt fear de Chomhairlichean Ìle, Robin Currie.

Taighean-staile

"Chan eil mòran toilichte timcheall air sin. Chan eil ann ach bliadhna bho fhuair sinn am bàta ùr, am Finlaggan.

"Agus a-nis air falbh airson còig mìosan, chan eil e math airson an eilein.

"A thaobh 's gu bheil uiread a' tighinn chun an eilein leis an uisge-bheatha, agus sin a' dol nas àirde a h-uile bliadhna, bu chòir am Finlagann a bhith a' fantail ann an Ìle.

"Dh'fhaoidte gum biodh i air falbh cupla mhìosan, ach còig mìosan, chan eil sinn toilichte le sin.

"Leis an luchd-turais airson an uisge-bheatha agus nan taighean-staile a' dol nas àirde gach bliadhna, feumaidh sinn bàta a mheanndas an trafaig a ghabhail air fad.

"An ath-sheachdain bidh cuideigin a' tighinn a-nall a dh'Ìle a chainnt rinn 's a dh'innse dhuinn ceart dè tha iad ag iarraidh a dhèanamh airson a' Gheamhraidh seo tighinn.

"Bidh fios againn an dèidh na coinneimh sin dè tha a' tachairt," thuirt e.

More on This Story

The BBC is not responsible for the content of external Internet sites

Sgeulachdan aithriseach

What is VOCAB? Deth'ann a VOCAB?

BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.