Amharas às dèidh naoi teintean sa Ghearraidh Chruaidh

Fear-smàlaidh 'S e seo an naoidheamh turas ann an cola-deug a bha teine sa Ghearraidh Chruaidh.

Tha amharas ann gun deach teintean a th' air a bhith a' sgapadh anns a' Ghearraidh Chruaidh ann an Steòrnabhagh a thòiseachadh a dh'aona-gnothaich.

Bha Siamarlan Urras Steòrnabhaigh, Iain MacÌomhair, ag ràdh gu bheil e annasach gun do thòisich ceithir teintean ann an àiteachan gu tur eadar-dhealaichte.

Tha naoi teintean air a bhith anns an sgìre bhon 8mh là den Ògmhios.

Tha luchd-smàlaidh fhathast a' feuchainn ris an teine mu dheireadh a sgap a chur às.

Chaidh carbad-smàlaidh à Steòrnabhagh a-mach anns a' mhadainn an-diugh agus teine fhathast ann an corra àite.

Thuirt Bòrd-Smàlaidh na Gàidhealtachd 's nan Eilean gun dèan iad rannsachadh leis na Poilis agus an t-uachdaran cho luath 's a ghabhas, gus dearbhadh ciamar a thòisich na teintean.

Sgeulachdan aithriseach

BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.