Fear-gairm ùr Chomhairle nan Eilean Siar

  • 10 An Cèitean 2012
Tormod Dòmhnallach
Image caption Tormod Dòmhnallach a' faighinn dreuchd an Fhir-Gairm

'S e comhairliche sgìre Ùige agus Cheann a Tuath nan Loch, Tormod Dòmhnallach, Fear-gairm ùr Chomhairle nan Eilean Siar.

Rinn e a' chùis air comhairliche sgìre an Rubha Tormod MacLeòid 16 bhòtaichean gu 15.

Chaidh treas tagraiche a chur air adhart leis a' bhuidhinn SNP, Rae MacCoinnich, ach tharraing esan às, às dèidh a' chiad bhaileit anns nach d'fhuair e ach ochd bhòtaichean.

'S e an Comh. Aonghas Caimbeul a fhuair dreuchd Ceannard na Comhairle a-rithist.

Cha do sheas an aghaidh Mhgr Chaimbeul ach comhairliche Uibhist a Deas agus Bharraigh, Dòmhnall Manford.

Bhuannaich Mgr Caimbeul 21 bhòt gu 10.

Duilleagan Eadar-lìn co-cheangailte

Chan eil uallach air a' BhBC son na tha air làraichean-lìn eile