Доминик Строс Кан, за агенцијата „Ројтерс“ изјави дека луѓето може да се плашат со се', но евро-зоната се справува со проблемот на Грција и нема причина кризата да се прелее во Шпанија или Португалија.

Грчкиот премиер Јоргос Папандреу во моментов е во обиколка низ неколку земји за да бара помош за плановите на неговата влада за справување со кризата.

Евро-фонд

Во меѓувреме, Германија и Франција размислуваат за основање нова, европска верзија на Меѓународниот монетарен фонд, за да им помогнат на земјите од Европската Унија кои се соочуваат со долг.

Засега нема многу детали, но германскиот министер за финансии, Волфганг Шојбле, рече дека Европскиот монетарен фонд ќе има слични механизми со ММФ - советодавна улога за економската политика и давање итни заеми.

Известувачот на БиБиСи вели дека германската поддршка за Европски фонд се чини беше поттикната од грчката финансиска криза.