„Улицата Сезам“ слави 40 години постоење.

Нашиот дописник се сретна со главните куклени ликови на њујоршката сцена каде беа снимени 4000 епизоди.

На „Улицата Сезам" го одбројуваат 40-от роденден, но, на сцената се прават проби како и обично.

Кучето ја украде буквата И, па Елмо и Те-ве-чудовиштето треба да ја вратат бидејќи сценаристите го наполнија текстот со зборови кои почнуваат на И.

Додека буквата да се најде, милиони деца ќе знаат повеќе вакви зборови, ќе знаат за другарувањето но и правилата на хуморот.

Формулата не е многу сменета уште од 60-те години.

На пример, „Гуменото пајче" е песна за капењето, но, и лекција за личната хигиена, вели Каролин Паренте, извршниот продуцент, која додава дека шоуто сепак претрпело измени во сиве овие години:

-„Првата сезона имавме многу поплаки дека го скусуваме вниманието кај децата бидејќи емисијата беше брза и ги имитираше кусите реклами. Но се откри дека токму рекламите го задржуваа вниманието на децата па тоа и беше експериментот на емисијата.“

„Улицата Сезам" денеска е светски бренд и се емитува во 120 земји.

Во Јужна Африка има кукла која е носител на вирусот на СИДА и нејзина цел е да ги научи децата на толеранција, но, и на загуби на блиски луѓе.

Затоа, следниве денови неизбежно ќе се зборува за бројот на емисии и освоени пазари, но во земја во која последниве 40 години семејствата прилично се растурија, некои работи не можат да се измерат.

Да се воздигнат срцата и да се запали фантазијата понекогаш е доволно.