Пресвртот предизвика шок и лутина во Германија, чија влада понуди заеми од 6 милијарди долари за да ја поттикне продажбата на фабриките на канадската компанија за резервни делови „Магна".

Лидерот на опозициските Социјал-демократи Фран Валтер Штајнмаер го осуди потегот на американската компанија-мајка.

Синдикатите стравуваат дека сега може да се затворат два погони на „Опел" во земјата.

„Џенерал моторс" очекува во Европа да отпушти околу десет илјади од вкупно 50 илјади работници.

Профит за „Тојота“

Најголемиот произведувач на автомобили на светот, јапонска „Тојота", одново забележа профит по седум месеци загуби.

Компанијата објави чист профит од 240 милиони долари во второто тримесечје од годинава.

Дописниците јавуваат дека јапонските произведувачи ја подобриле ефикасноста и ги намалиле трошоците за да се спротистават на штетниот подем на јенот.

Вчера „Тојота" објави дека се повлекува од автомобилските трки „Формула-1".