Напади во Газа

Израелски воен портпарол вели дека за тоа време жителите на Газа можат да излезат и да се снабдат со храна и лекови.

Планот е да има вакви паузи секој ден, но Џон Гинг од агенцијата на Обединетите Нации која се грижи за палестинското население - вели дека тоа не е доволно.

Со задача да нахрани преку 700 илјади луѓе, Агенцијата смета дека оваа пауза не е замена за трајно примирје.

Според податоците од палестински и од извори на Обединетите Нации - од почетокот на израелската воена операција во Газа, пред 12 дена, убиени се скоро 670 луѓе.

Израел „во принцип" се согласи со француско-египетскиот предлог за прекин на огнот, подгревајќи ги надежите за крај на судирот со палестинските милитанти во Газа.

„Предизвикот сега е да се дојде до деталите кои ќе се совпаднат со начелата" - изјави израелскиот владин портпарол Марк Регев.

	Снабдување за време на примирјето

Палестинската милитантна група Хамас, која ја контролира Газа, вели дека е резервирана кон планот иако додава дека „има позитивни знаци":

Планот, според израелски извори, би вклучил запирање на палестинските ракетни напади и уверување дека милитантното палестинско движење Хамас - не се вооружува наново.