Еден од водечките произведувачи на автомобили во светот, „Тојота“, вели дека во февруари и март ќе го запре производството во сите свои јапонски фабрики - за уште 11 дена, откако овој месец не работеше 3 дена, поради голем пад во продажбата.

Во декември компанијата за прв пат јави за оперативна загуба на годишно ниво, по неколку-годишната заработувачка.

И други компании од светската автомобилска индустрија го намалија производството откако пресуши продажбата поради глобалната економска криза.

ХХХХХХХХХХ

Еврото падна во однос на фунтата во момент кога се засилуваат очекувањата дека Европската централна банка одново, на 15-ти јануари, ќе ги намали каматните стапки.

Податоците за инфлација во евро-зоната покажуваат поголем пад од очекуваниот.

Банката ја намали каматата во октомври од 4,25 на 2,5%.

Но се смета дека ново намалување може да и’ наштети на валутата затоа што инвеститорите ќе купуваат други валути за подобра заработка.

Во однос на еврото фунтата и натаму ја има една од најниските вредности.