Али Ахмети

За следната година, Ахмети посакува избори спроведени според највисоки демократски стандарди.

Ахмети смета дека за петте месеци колку што ДУИ е дел од во владината коалиција, партијата има големи постигнувања.

Ги наведува донесувањето на законот за употребата на јазиците, вработувањата на немнозинските заедници во администрација, отворањето на Музеите - на слободата за Скопје и на азбуката во Битола.

Тој ги отфрла обвинувањата дека неговата партија има инфериорен статус во Владата:

-„Јас мислам дека една од победите не само за Албанците но најпрво за Македонците за 2008-та година, е коалицијата ДУИ - ВМРО-ДПМНЕ. Ова од повеќе причини, прво дека се прави конечно помирување помеѓу сите граѓани на Република Македонија, што е нужност и огромна потреба за да се има стабилност, мир и перспектива", вели Ахмети.

Ахмети вели дека полициските акции во Скопје и во Куманово биле оправдани но сепак бара од полицијата да ги истражи можните прекршувања на овластувањата на нејзини припадници:

-„Последната полициска акција беше преувеличена, без право, бидејќи се кажа дека биле претресувани 200 куќи, а излегоа 19, се велеше дека две илјади граѓани биле повикани на информативни разговори, а излезе дека биле шеесет. Овде имаме еден конкретен случај, убиен е еден полицаец - Албанец, Африм Арифи, и беа повикани на информативен разговор луѓе кои имале врска со него", вели Ахмети.

За 2009-та, Ахмети вели дека тој и неговата партија посакуваат и очекуваат изборите во Македонија да бидат спроведени според највисоки демократски стандарди.