 |
|
| Подготовки за филмскиот фестивал |
Вечерва во Венеција почнува филмскиот фестивал кој заедно со оној во Кан се смета за најзначаен филмски настан во Европа.
Фестивалот стартува со вистинска посластица за љубителите на филмовите на браќата Коен - нивната нова сатирична комедија „Изгори
по читањето", во која играат Џорџ Клуни и Бред Пит, ги полни насловните страници.
На 65-то издание на фестивалот, за главната награда „Златниот лав" ќе се натпреваруваат 21 филм, а меѓу фаворитите се и јапонските
режисери Такеши Китано и Хајао Мијазаки.
Други силни кандидати се американскиот режисер Дарен Аронофски со филмот „Борач" и францускиот филмаџија Барбет Шредер со
„Ѕвер во сенка".
Шеф на годинашново жири ќе биде германскиот режисер Вим Вендерс, а фестивалот му е посветен на египетскиот филмски автор Јусеф
Шанин за кого се вели дека му даде нов почеток на филмот во арапскиот свет.
|