Ричард Галпин Би-Би-Синин кабарчысы

	Героиндин Орусияга Афганистандан абдан ири көлөмдө келип жатат

Бул уюм Орусиянын өкмөтүнө кайрылып, өлкөдөгү 2 миллионго жакын наркомандын арасында СПИДди жайылышын алдын алуу үчүн көптөгөн чараларды көрүүгө чакырган.

Бүгүн Москвада СПИД боюнча эл аралык ири конференция ишин баштоодо. Дүйнөнүн башка аймактарына салыштырмалуу Орусия менен Чыгыш Европа СПИД эпидемиясы тездик менен жайылып жаткан аймак болуп саналат.

Айрым орус эксперттери Орусияда СПИДддин жайылышына өлкөдө иштеген жүз миңдеген мигранттар түрткү болууда, деп эсептейт.

Азыркы учурда Орусияда 1 миллионго жакын киши СПИД илдетине чалдыкканы маалым. Өткөн он жылга салыштырмалуу бул илдетке кабылгандардын саны кескин өскөн.

Көпчүлүгү 30 га чейинки жаштар. Алардын көпчүлүгү героин сайыныш үчүн колдонулган ийнелер аркылуу ооруну жуктургандар.

Эсептөөлөргө караганда, өлкөдө бангизатты тамырына сайдырып колдонгондордун саны 2 миллионго жакын.

Бул - героиндин Орусияга Афганистандан абдан ири көлөмдө келип жатканын айгинелейт.

Москвада өтчү конференцияда эксперттер орус өкмөтүн бул инфекцияны жайылтпоо боюнча аракеттерге тоскоолдук кылып жаткан мыйзамдарды алып салууга чакырмакчы.

Орусияда бангизат колдонуучуларга метадон сыяктуу затты героиндин оордуна бериш мыйзамсыз деп саналат.

Ошондой эле, Орусия өкмөтү ийне алмашуу боюнча эч кандай программаларды каржылабайт. Буга чейин Орусиядагы көптөгөн алдын алуу программаларды эл аралык донорлор каржылап келген.

Бирок мындан ары донорлор программаларын каржылоону токтотот. Анткени Орусия орто кирешелүү өлкөлөрдүн арасына кирип, чет өлкөлөрдөн жардам алгысы келбейт. Эми абал кандай болот деген суроо эксперттерди кабатыр кылууда.