 |
|
|
|
|
|
|
||||||||||||||||||||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||||||||||||||||||||||
~RS~a~RS~Kyrgyz~RS~q~RS~~RS~z~RS~23~RS~){kind=small}
|
Афганистандагы стратегия натыйжа бербей жатабы?
|
|||||||||||||||||||||||||||||||||||||||||||||||||||||||||||||||||||
Афганистандагы Америка генералы даярдаган билдирүүдө өлкөдөгү эларалык күчтөрдүн стратегиясы иштебей жатканы айтылган.
Генерал Стэнли Маккристалдын бул билдирүүсүндө Афгандыктарды талибандан коргоо ишаракеттерине артыкчылык берилиши керектиги баса белгиленген. Анын айтымында, Талибанга каршы күрөш Афган элинин жашоо-турмушун жакшыртпагандыктан, эларалык күчтөргө карата ишеним дагы жоголууда. Генерал Маккристал эгер талибдерди жумуш менен камсыз кылууга жетишсе, анда өлкөдөгү көйгөйлөрдүн алтымыш пайызы чечилмек деп эсептейт. Генерал Маккристалдын жарыяланганы жаткан билдирүүсүндө Афганистандагы стратегияны өзгөртүү сунушталган. Андан сырткары Талибдерди жеңүүгө боло турганына Афган элин ынандырыш керек деп айтылат анда. Генерал өлкөдөгү коопсуздукту сактоого афгандыктардын өзүн тартуу керек деп эсептейт. Бирок, Афганистандын коопсуздук күчтөрүн буга даярдоо үчүн убакыт талап кылынаары кошумчаланган. Генерал Маккристалдын сунуштарын жогорку аскерий жана саясий жетекчилик талкууга алып, андан соң гана аймактагы аскерлер санын көбөйтүү керекпи же жокпу деген суроо чечилмекчи. Ал ортодо Афганистандагы президенттик шайлоонун алдын ала жыйынтыктары жарыяланууда. Өлкөнүн шайлоо комиссиясы добуштардын тең жарымын эсептегенде, азыркы президент Карзай 46 пайыздык колдоо менен дагы деле алдыда келатканын билдирген. Ал эми анын негизги атаандашы доктор Абдулла Абдулла 33 пайыз алганы айтылууда. Шайлоонун толук жыйынтыктары сентябрь айында белгилүү болот. |
||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||
Чалгындоо иши жалпы миссияга жооп бербейт 
