Роб Ватсон Би-Би-Синин коопсуздук жана коргонуу боюнча кабарчысы

	Ричард Холбрук өзүнүн көп жылдык дипломатялык карьерасында кызматкерлерине жана чет элдик өкмөттөргө карата кырс мүнөзүн көрсөткөн учурлары аз эмес. Ал эми президент Карзайга эларалык коомчулук ар тараптан кеп-кеңешин берип келген.

Булактар Ричард Холбруг Афган президентине шайлоонун бурмаландыгы тууралуу кабатырлануусун билдирип, бул процесске коомдук ишенимди арттыруу үчүн шайлоонун экинчи айлампасын өткөрүү керектигин айткан.

Би-Би-Сиге маалым болгондой, эки саясатчынын жолугушуусу абдан курч мүнөздө өтүп, болгону 20 минутка жакын созулган.

Анткени менен АКШнын элчилиги Ричард Холбрук менен Хамид Карзай кыйкырышып сүлөшкөнү жана америкалык өкүлдү күчтөп сыртка чыгарышканы тууралуу сөздөрдү четке кагууда. Бирок жолугушуунун өзү абдан манилүу бир суроону көтөрүүдө.

Бул окуя жөн гана эки кишинин ортосундагы оңтойсуз мамилеби же Обама администрациясы менен президент Карзайдын ортосундагы келишпестиктердин жышааныбы? – деген соболдор бар.

Албетте Ричард Холбрук өзүнүн көп жылдык дипломатялык карьерасында кызматкерлерине жана чет элдик өкмөттөргө карата кырс мүнөзүн көрсөткөн учурлары аз эмес. Ал эми президент Карзайга эларалык коомчулук ар тараптан кеп-кеңешин берип келген.

Бирок, ошого карабастан, маселе бул эки саясатчынын мүнөзүндө деп гана айтууга болбойт.

Обаманын администрациясы бийликке келгенден баштап эле президент Карзайга салкын караган. Ал азыркы Афган бийлигинин терең коррупциялашканы жана жөндөмсүздүгү Афганистандын өнүгүүсүнө Талибанга караганда көбүрөөк тоскоолдук кылып жатат деп эсептейт.

Дипломатиялык булактар АКШ афганстандагы президенттик шайлоодо ким жеңбесин ага карата талапты катуу коерун белгилешкен.

Кандай болгон учурда дагы эларалык коомчулук да, президент Карзай да бир-биринен көңүлү жай эмес.