Кабарларга караганда, Британиядагы эң көп нускалуу "News Of The World", Дүйнөнүн жанылыктары гезитинин журналисттерине жалданган жеке тергөөчүлөр Жон Прескоттун телефон каттарын илип алып турушкан.

Британияда эки миңге жакын кишинин телефон каттары жашыруун уурдалып турган, Прескот ошолордун бири, деп жазат Гардиан гезити.

Мындан эки жыл илгери "News of the World" гезитинин журналисти жана жеке детектив Корольдук үй бүлөөнүн телефондоруна калтырылган каттарга хакерлик кылышкандыгы, тыншашкандыгы үчүн соттолушкан. Анда бул окуя сейрек окуя катары бааланган.

Эми минтип, Гардиан гезитинин жазганына караганда, "News Of The World" гезити жеке детективдерди жалдап, саясатчылар, Гвинез Пелтроу, модель Эль Макферсон сындуу жылдыздар тууралуу маалыматтарды алып турушкан.

Телефонду тыншоолор билинип калганда ишти сотко жеткирбеш үчүн "News of the World" гезитинин ээси "News International" компаниясы айрым жылдыздарга акча төлөп турган.

Премьер министрдин мурдагы орун басары Жон Прескотт гезит жалдаган детективдер тарабынан бутага алынганын ырастоодо.

Эмне себептен полиция бул ишти учурунда караган эмес дейт Жон Прескотт.

Бул окуянын дагы бир саясий өнүтү бар. "News of the World" гезитинин мурдагы редактору Анди Коулсон азыр консерваторлор партиясынын коомчулук менен байланыш боюнча директору.

Гезит жалдаган детективдердин корольдук үйбүлөөнүн телефондорун тыншагандыгы билинип, сот башталганда Анди Коулсон кызматынан чегинген.

Консерваторлор партиясынын лидери Дэвид Камеруун пресс катчысынын айыбы жок деп айтты.

Бирок, Жон Прескот чырлуу гезиттин мурдагы редакторун кызматка алыштын өзү саясий жактан туурабы деген суроону көтөрдү.