Доктурга бараардан мурун айыгуунун жол- жобосун өз алдыңызча издеп, интернетке отуруп көрдүңүз беле? Азыркы учурда ооругандардын копчулугу ушул ыкманы тандап алышкан.

Эми, Гуугл компаниясы "сасык тумоонун белгилери", "дене бойдун талыкшуусу" деп жазылган интернеттик издөөлөрдү каттап турууну чечти. Анын натыйжасында, Америкадагы грип илдетинин жайылышын, кайсы жерден башталгандыгын тактап турууга мүмкүнчүлүк ачылат.

Гууглдун "гриптин жайылышы" деп аталган интернеттик издегичи алдын ала эскертүүчү система катары иштейт.

Эгерде сиз жашаган аймакта грип илдетине чалдыккандардын саны көбөйсө, сиз дароо сактануу чарасын көрөсүз. Гууглдун бул системасы грип эпидемиясынын башталышын медициналык тармакка караганда он күн эрте каттоого мумкунчулук берет.