Ташбака тоосу Чындык же Кесепеттер (Truth or Consequences) шаарынын четинде. 1950 жылы шаардын тургундары популярдык телеберүүнүн атын өз шаарына бергенден бери ал картада белгиленип калды.

Шаарда учурда 7,000ден ашуун киши жашайт. Мурда Хотспрингс (Hot Springs) деп аталган Чындык же Кесепеттер шаары жер алдынан урган ысык минералдык фонтандары менен да белгилүү.

Бул шаар дүйнөлүк финансы кризисинен оолак тургандай. "Шаардыктардын маанайы ачык", - дейт кабарчыбыз Гүлнара Касмамбетова.

Үйлөрдүн арзандыгы (орточо үй 75.000 доллар) жана жалпы эле арзанчылыктан улам, бул шаар Рич Стрезо сыяктуу карыялар үчүн ылайыктуу. Мурда айдоочу болуп иштеген Стрезо учурда пенсионер.

Тарыхына сыймыктанган Чындык же Кесепеттер шаары ошону менен бирге келечекке да кеңири кадам таштап, космос туризм борборун курууда. Бүгүн шаар көптөгөн туристтерди өзүнө тартып турат.