Борбор Азияга Европадагы көз караш

Британиянын Кебридж Университетинде “Борбор Азияны изилдөө боюнча Европалык коом” деген уюмдун 12-жыйыны өттү.

Дүйнөнүн туш тарабынан тарыхчылар жана окумуштуулар чакырылган бул жыйында, Борбор Азияда улуттук аң сезимди таануу кандай деңгээлде, Советтер союзу ыдырагандан кийин бул өлкөлөрдөгү атуулдар өздөрүн чындыгында эле эркин өлкөдө жашап жатабыз деп эсептешеби же коммунисттик системанын таасирлери дагы деле сакталып калдыбы? – деген суроолордун айланасында талкуулар жүргөн.

Жыйынга бир катар Кыргызстандык эксперттер дагы катышкан. Алардын бири журналист, "Азаттык" радиосунун мурдагы директору, тарых илимдеринин доктору Тынчтыкбек Чоротегин Би-Би-Синин Лондондогу студиясында маек берди.

Европа өлкөлөрү, Борбор Азия, анын ичинде Кыргызстанды дайым Афганистандын призмасы менен карап, бул өлкөлөрдүн негизги ролу ошол эле деген пикирлерди айтып жүрүшөт. Айрымдар бул жөн гана мурдагы советтик республикалар, Орусиянын таасиринен таасиринен чыга элек деген жүйөөлөрдү дагы көп айтышат.

Сиз катышкан Кэмбриджеги жыйында Борбор Азиянын глобалдык ролу жөнүндө, маданияты, экономикасы жана тархы жөнүндө кандай кызыктуу маалыматтар айтылды? - деген суроо салынды.