|
Bouônjour
man vyi! Comme est qu’tu’es?
Ah, comme
lé temps. Et té?
I’
n’faut pon s’pliaindre. As-tu ouï les dreines nouvelles?
Entouor
tchi?
Bein, les
cheins dé BBC Radio Jèrri ont d’mandé chutte
tchestchion-chîn:
“Tch’est qu’est la pus belle pâraîsse en
Jèrri?”
Tchi
tchestchion! Sont-i’ fos?
Probabliément,
auve tout ch’t angliaîchîn sus l’radio il’
ont les têtes cratchies.
Véthe-dgia!
Mais tch’est qu’tu’en pense? Latchelle des douze Pâraîsses
est la miyeuthe?
Ah pouor
dé mé, chenna dév’thait êt’ St.
Hélyi. Auve les boutiques et les bieaux grands bâtisses et
les clobes dé niet et les aubèrges - sans pâler
des bangnérêsses - ch’est la bouonne pliaiche pouor
aver du fanne.
Nou-fait-dgia!
La Ville est laie comme lé péché du Dînmanche!
Ch’est la pâraîsse dé St. Ouën tch’est
la pus belle. Y’a les landes et les falaises,
et les fèrmes, et l’Mangni et l’Châté
d’Grosnez - et j’avons des vaques.
Mais j’en
avons un tas d’vaques à St. Hélyi - et même
tchiqu’s’eunes en méta étout!
Véthe,
mais ous avez les grand’s cheunm’nées dé Bellozanne
et d’La Collette a dêfidgûther l’Île.
Bein, si
les St. Ouennais né veulent pus aver d’l’êlectricité,
ni lus bostchots viédgis nitout, les Villais es’sont bein
heutheurs.
Ch’est
bein seux qu’i’ sont mînséthâbl’yes
achteu.
Mînséthâbl’yes?
Pouortchi don?
Pa’ce
qu’i’ n’démeuthent pon à St. Ouën!
Mais tchi
dgiâbl’ye qu’i’ y’a à faithe à
St. Ouën?
Y’a
les courses ès j’vaux, et pis les grèves - y’a
un tas d’jannes gens tchi font d’la seurféthie à
L’Êta et à la Grève dé Lé.
Ah, j’sis
trop vyi, mé, pouor aller seurfer.
Et mé
j’sis trop vyi pouor vos clobes dé niet. T’en vas tu
béthe eune fais?
Pouortchi
pas? Eune bouonne pînte dé biéthe pouor mé
s’i’ t’pliaît.
Et deux
d’gouts d’cidre mé f’thait du bein.
----------------------
Hello old
mate! How are you?
Oh, like
the weather. And you?
Mustn’t
grumble. Have you heard the latest news?
About
what?
Well, the
BBC Radio Jersey lot have asked this question: “Which is the most
beautiful Parish in Jersey?”
What
a question. Are they mad?
Probably,
with all that English stuff on the radio they’ve gone round the
twist.
Yes indeed!
But what do you think? Which of the twelve Parishes is the best?
Oh for me,
it’d have to be St. Helier. With the shops and the lovely big buildings
and the night clubs and the pubs - not to mention the swimming pools -
it’s the right place for having some fun.
Not at
all! Town is as ugly as sin! It’s the Parish of St. Ouen which is
most beautiful. There are heaths and cliffs, and farms, and the Manor
and
Grosnez Castle - and we’ve got cows.
But we’ve
got a lot of cows in St. Helier - and even some made of metal as well!
True,
but you’ve got the big chimneys of Bellozanne and La Collette disfiguring
the Island.
Well, if
the St. Ouennais don’t want any electricity any more, nor their
bins emptied either, Town residents will be very happy.
It’s
quite certain that they are in misery now.
Misery? Why
though?
Because
they don’t live in St. Ouen!
But what
the devil is there to do in St. Ouen?
There
are the horse races, and then the beaches - there are a lot of youngsters
who go surfing at L’Étacq and at Grève de Lecq.
Oh, I’m
too old to go surfing.
And I’m
too old for your nightclubs. Fancy a drink?
Why not?
A good pint of beer for me please.
And a
drop of cider would do me good.
|
