BBC navigation

Raja Casablanca ta lashe Diamond Stars

An sabunta: 10 ga Fabrairu, 2014 - An wallafa a 09:20 GMT

Raja Casablanca ce ta biyu a gasar zakarun duniya 2013

Raja Casablanca ta Morocco ta lallasa Diamond Stars ta Sierra Leone 6-0 a wasan farko na gasar zakarun Afrika.

Raja, wacce ta buga wasan karshe na zakarun kwallon kafa na duniya da Bayern Munich a watan Disamba ta samu nasarar ne bayan da Mouhssine Iajour ya zura kwallaye hudu sannan Abdullahi Hafidi da Abdelkabir El Ouadi su ka jera dai daya.

Kungiyar Young Africans ta Tanzania ce ta samu nasara mafi girma a wasannin da aka buga a makon farko na gasar, inda ta ragargaji Komorozine Sports ta Comoros Islands 7-0.

Al Ahly Benghazi ta Libya ma ta samu nasarar 4-0 kan Foullah Edifice ta kasar Chad.

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.