BBC navigation

Arsenal za ta iya lashe kofin Turai

An sabunta: 7 ga Nuwamba, 2013 - An wallafa a 15:40 GMT
Arsenal

Kloop ya yaba da kwallon Arsenal

Kocin Borussia Dortmund Jurgen Klopp ya ce Arsenal zata iya lashe kofin zakarun Turai matukar ba za ta hadu da Bayern Munich ba, lokacin da aka fidda jadawalin wasan sili biyu kwale.

Aaron Ramsey shi ne ya zura kwallo lokacin da Arsenal ta doke Dortmund da ci 1-0 ranar Laraba, Arsenal ta ci gaba da jagorantar rukunin na F duk da saura wasanni biyu a kammala wasannin cikin rukuni.

Dortmund ta sa ran zata lashe wasa na takwas a gida a gasar cin kofin zakarun Turai, kuma bata taba rashin nasara a hannun kungiya daga Ingila ba.

Kloop ya ce "zasu iya lashe kofin matukar basu hadu da Bayern Munich ba, suna da matasan 'yan wasa da suka kware da taka kwallo."

Kwallon da Ramsey ya zura itace ta 11 da ya zura a wasanni 17 da ya bugawa Arsenal.

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.