BBC navigation

David Moyes ya kama aiki a Man U

An sabunta: 30 ga Yuni, 2013 - An wallafa a 17:40 GMT

David Moyes ya kama aiki a matsayin Kociyan Man U

David Moyes ya fara sabon aikinsa na kociyan zakarun Premier League, Manchester United a yau Litinin.

Sabon Kociyan mai shekaru 50 ya bar Kulob din Everton ne ya maye gurbin Sir Alex Ferguson, wanda ya yi ritaya a karshen kakar wasanni bayan shekaru 26 ya na jagorancin kulob din a Old Trafford.

Moyes ya tuka kansa zuwa filin wasan United a a safiyar yau Litinin a kudancin Manchester.

Daya daga cikin batutuwan da Moyes, wanda ya sa hannu a kwantaragin shekaru shida zai duba shine batun makomar dan wasannan Wayne Rooney.

Rooney, wanda aka ce ya bar United a watan Octoba na shekara ta 2010, ya yi wasa a karkashin Moyes a Everton kafin ya koma United a watan Agusta na shekara ta 2004, amma ko zai zauna a kulob din ko kuma akasin haka batu ne da lokaci ne zai tabbatar da hakan.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.