BBC navigation

'Yan sanda sun kama Carlos Tevez

An sabunta: 8 ga Maris, 2013 - An wallafa a 13:29 GMT
Carlos Tevez

Carlos Tevez yana taka rawar gani a Man City

BBC ta fahimci cewa 'yan sanda sun kama dan wasan Manchester City Carlos Tevez a garin Cheshire kan zargin tuka mota duk da cewa an kwace lasisinsa na tuki.

Tevez, mai shekaru 29, an tsare shi ne ranar Alhamis da misalin karfe 5:10 agogon GMT a kan titin A538 a Macclesfield.

Amma 'yan sanda sun bayar da belinsa.

An dakatar da dan wasan na Argentina daga tuki tsawon watanni shida a watan Janairu bayan da yaki amsa wasikar da 'yan sanda suka aika masa kan gudu a mota fiye da kima.

Manchester City ta ce ba za ta yi magana a kan batun ba.

Mai magana da yawun 'yan sandan Cheshire ya ce: "Jiya 'yan sanda sun kama wani mutum mai shekaru 29 daga Alderley Edge".

"An kama mutumin ne kan zargin tuka mota duk da cewa an kwace lasisinsa sai dai tuni aka riga aka bayar da belinsa."

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.