BBC navigation

FIFA ta amince da fasahar cin kwallo

An sabunta: 19 ga Fabrairu, 2013 - An wallafa a 16:03 GMT
sepp blatter

Sepp Blatter ya matsa a yi amfani da fasaha

Hukumar Kwallon Kafa ta Duniya FIFA, ta amince da amfani da fasahar tabbatar da shigar kwallo a raga a gasar cin Kofin Duniya ta 2014 da za a yi a Brazil.

Haka kuma Hukumar ta amince a yi amfani da tsarin a gasar cin Kofin Zakarun Nahiyoyi ta 2013 a Brazil.

An samu nasarar jarraba fasahar a gasar cin Kofin Duniya na Kungiyoyi da aka yi a Japan a watan Disamba na 2012.

Shugaban Hukumar Kwallon Kafar Sepp Blatter ya kafe a kan bukatar amfani da tsarin wanda za a sanya na'urorin daukar hoto a raga da kuma wata naura mai kurar karfe da zasu rika tantance shigar kwallon raga.

Blatter ya matsa a aiwatar da tsarin tun lokacin da yaga yadda alkalin wasa ya hana kwallon da Frank Lampard na Ingila ya ci Jamus a gasar Kofin Duniya na 2010, karawar da Jamus ta yi nasara.

Haka kuma shugaban ya kara tabbatar da bukatar amfani da fasahar a wasan kwallon kafa bayan ce-ce-ku-cen da aka yi a kan nasarar da Ingila ta yi a kan Ukraine a wasan Kofin Kasashen Turai na 2012 inda alkalin wasa ya ki amincewa da kwallon da Ukraine ta jefa a ragar Ingila.

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.