BBC navigation

FIFA ta bullo da intanet don cogen wasa

An sabunta: 6 ga Fabrairu, 2013 - An wallafa a 19:11 GMT
sepp blatter

Blatter ya yi gargadi kan cogen wasa

Hukumar kwallon Kafa ta Duniya, FIFA, ta bullo da hanyar amfani da intanet ta yadda za a rinka bayar da rahoton cogen wasa da sauran laifukan saba wa dokokinta.

Ta wannan tsari jama'a za su iya bada rahoton wani abu da su ke gani ya saba wa ka'idojin Hukumar Wasannin.

Ranar Litinin ne wani rahoton Hukumar 'yan sandan Turai, Europol, ya bayyana cewa an yi cogen wasanni 680 wadanda su ka hada da wani a Ingila ta yadda aka tsara yadda sakamakonsu zai kasance.

A shekarar da ta wuce shugaban FIFA, Sepp Blatter ya yi gargadin cewa coge na barazanar zubar da kima da martabar wasan kwallon kafa.

A 2011 Hukumar ta sanar da wani shiri da za ta kashe fam miliyan 17.5 da za ta rinka bin diddigin cogen wasa da cacar wasanni wadda ba ta ka'ida ba tare da hadin guiwar hukumar 'yan sanda ta duniya.

Kari a kan wannan labari

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.