BBC navigation

Vincent Kompany ya kare kansa

An sabunta: 14 ga Janairu, 2013 - An wallafa a 15:27 GMT
Vincent Kompany

Kyaftin din Manchester City, Vincent Kompany na barin filin wasa

Kyaftin din kulob din Manchester City, Vincent Kompany ya kare kokarin karbe kwallo da yayi a karawarsu da kulob din Arsenal, lamarin da yasa aka kore shi.

Alkalin wasa Mike Dean ne ya kori Kompany mai shekaru 26 a kan dan wasan tsakiya na kulob din Gunners wato Jack Wilshere.

Kuma an ba kompany jan katin ne, bayan an dawo daga hutun rabin lokaci, a wasan da aka tashi ci biyu da nema.

Kyaftin din ya rubuta a shafinsa na Twitter cewa "Idan abokin hamayya ya kawo farmaki a filin wasa, kuma ka yi kokarin kare wa, to dole ne a gwara."

Da aka tambayi manajan kulob din na City, Roberto Mancini ko za su kalubalanci korar da aka yiwa Kompany, sai ya ce "Kwarai kuwa."

Mancini ya kara da cewa "Za mu daukaka kara, kuma ina ganin za muyi nasara saboda abu ne mai sauki domin yadda lamarin ya kasance kenan."

Sai dai manajan ya koka game da cewa kulob din na fuskantar matsala saboda rashin 'yan wasa, kuma ga shi Kyaftin din ba zai buga wasanni uku ba.

Mancini yace yana ganin alkalin wasan ya yi kuskure.

Amma kuma shi Kompany bai dora laifin kan alkalin wasan ba.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.