BBC navigation

Keshi ya caccaki 'yan wasan Super Eagles

An sabunta: 9 ga Satumba, 2012 - An wallafa a 14:47 GMT

Jerin 'yan wasan kungiyar kwallon kafa ta Najeriya wato Super Eagles

Kocin kungiyar kwallon kafa ta Najeriya Stephen Keshi ya fadawa 'yan wasansa da kakkausan lafazi cewar sun nuna rashin kwarewa a yadda suka buga wasa da kasar Laberiya.

'yan wasan na Super Eagles dai sun tashi kunnen-doki ci 2-2 ne da Lone stars na Laberiya a wasan neman cancantar shiga gasar cin kofin nahiyar Afrika ranar Assabar.

Wata sanarwa daga Jami'in watsa labarai na kungiyar Ben Alaiya tace Keshi wanda ya yiwa 'yan wasan jawabi jim kadan bayan tashi wasan a filin wasa na Samuel Doe dake birnin Monrovia, yace ba za a kara amincewa da irin wannan taka rawar ba.

Sanarwar wadda aka fitar ranar lahadi bayan da tawagar Najeriya ta dawo gida; ta ambato kocin yana cewa: '' Zan fi farin ciki idan 'yan wasa za su yi zamansu a inda suke su ce ba za su samu zuwa, ba bisa ga su zo su nuna wa 'yan Najeriya cewar ba mu san abinda muke yi ba.''

Kari a kan wannan labari

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.