BBC navigation

An nemi afuwar Koriya Ta Arewa game da Olympics

An sabunta: 26 ga Yuli, 2012 - An wallafa a 11:31 GMT

Jami'an Korea Ta Arewa a gasar Olympics

Masu shirya gasar Olympic sun nemi afuwa daga kulob din kwallon kafa na mata na Koriya Ta Arewa saboda kuskuren da aka yi na nuna 'yan wasan a talabijin kusa da tutar Koriya Ta Kudu.

Kuskuren dai ya sanya an jinkirta wasan da kulob din matan zai buga a Hampden Park da ke Glasgow a ranar farko da aka fara wasan.

'Yan kulob din maza na Koriya ta Areawa za su fara gasar ne a lokacin da za a buga wasanni takwas ranar Alhamis, ciki har da wanda za a buga tsakanin Burtaniya da Senegal a filin wasa na Old Trafford.

Firayim Ministan Burtaniya, David Cameron, ya shaidawa BBC cewa, gasar na da matukar muhimmanci.

Ya ce: ''Babban abin da ke da muhimmanci game da gasar shi ne yadda za ta kasance wani abin koyi ga 'yan baya. Mutane za su shigo kasarmu a cikin makonnin da ke tafe, don haka wasan wani abin alfahari ne''.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.